[center]منى،،بنت في آخر سنه من الثانويه العامه كانت الكبيره من أخوانها وعندها أخوان أربعه أصغر منها إثنين بالمرحله المتوسطه وأثنين بالأبتدائي...وهم عائله على قد حالهم..منى تحب ولد جيرانهم نواف،،
نواف من عائله عاديه جدا يدرس بثالث جامعه وكان يحب منى من يوم ماكانوا صغار بس ماصار شي رسمي بينهم..
في يوم طلعة منى من المدرسه كانت تروح مشي لبيتهم شافت واحد عند باب المدرسه في بداية الأربعين من العمر كان مار بسيارته ومع الزحمه كانت واقفه السياره..
كانت منى متغطيه مرت منى جنبه وكانت تمشي مسرعه فجأه طارة الطرحه مع الهوا عن وجهها
شاف الرجل قمر يمشي قدامه
أستدركت منى الموقف وتغطت على طول
ولاحظت نظراته لها ورجعت لبيتهم..مرت أسابيع عاديه في حياة منى ..في يوم رجعت منى المدرسه ونامت وصحت على المغرب أخذتلها شور وفتحت شباك غرفتها اللي تطل على الحوش شافت ابوها واقف يسلم على نفس الرجال إللي شافته قبل فتره عند المدرسه أنصدمت منى أن أبوها يعرفه وهوباين عليه أنه من مستوى عالي ماديا،،سكرت منى الشباك بسرعه وبعد ساعه دخلت أم منى عليها الغرفه
قالت لها:مبروك جاءلك عريس مايتفوت..
تغير وجهه منى وقالت:مين
الام:واحد ولدعائله معروفه وغني أسمه سعود!!
منى ماتدري تصيح او تضحك من الصدمه..
الأم:بسم الله عليك وش فيك؟؟
منى:من قال أبغى أتزوج وبدت منى تصيح..
الأم:ليش إنشاء الله ماتبينه لايكون حاطه ببالك أحد ثاني؟؟
منى:وإذا كنت حاطه ببالي أحد ثاني أنا ما أبيه لو إيش..
الأم:موعلى كيفك أبوك عطاه كلمه وهو غني على الأقل تحسنين مستوانا إذا أخذتيه صدق انه أكبر منك شوي بس ماينرد
منى:وماشاءالله هوكم عمره لايكون بس الشايب اللي عند أبوي اليوم!!
أرتبكت الأم :الا هو موكبير مره عمر أربعه وأربعين سنه
زاد صياح منى أكثر:ما أبغاه حرام عليكم تظلموني معاه وانا عمري 18 سنه قولوا له ماابغاه بعدين أنا حسيت فيه كان يلحقني يوم رجعت من المدرسه قبل فتره
الأم:لحقك وألا مالحقك بتتزوجينه غصب عنك وطلعت الأم من الغرفه معصبه وتركت منى بألمها وحزنها تبكي على حالها قامت منى وهي تبكي ودقت على نواف حبيبها إللي كانت تحلم كل يوم بحياتهم مع بعض وكيف راح يكونون سعيدين
منى:ألو
نواف:هلامنى
منى: أهلين
نواف:سلامات منى وش فيه صوتك؟؟
قالت منى لنواف السالفه
نواف بحزن:منى تدرين إني أحبك ومتمسك فيك بس لو بجي أخطبك أهلك ماراح يوافقون وانا ماخلصت دراستي ولاتوظفت
منى:طيب تعال أنت أخطبني وأنا بقنعهم
نواف:طيب قوليلهم أبغا أخلص دراستي وبعد سنه بتتزوجين على بال ما أكون أنا مخلص
سكتت منى وأنهت المكالمه..منى طبعا ماقدرت أنها تقنع أمها بموضوع الدراسه عاشت منى اسبوع ألم وصراع الحب وتغير مستوى أهلها ورضاهم وفي نهاية الأسبوع
جاء ابو منى مستانس ودخل على الأم بالصاله ومنى كانت برا تسمع هذا الحوار
الأب:شوفي يا أم منى هالفلوس وملي عيونك
الأم:من وين لك كل هالفلوس؟؟
الأب:هذي مئة ألف ريال مهر منى روحي وريها العز اللي هي فيه
الأم:مو بدري على المهر ومنى ودها تأجل الزواج لين تخلص دراستها
الأب:بعد شهرين الزواج وإذا تبي تكمل تكمل مع زوجها
منى كانت تسمع الكلام إللي بين أمها وأبوها وماقدرت ماتملك نفسها من الصياح
مرت الشهرين كأنها كابوس في حياة منى ونواف اللي حاول بس بدون فايده..
تزوجت منى سعود.......سكنت منى بفيلا الكل يحسدها عليها وهم مايدرون أنهاعايشه بجحيم قضواشهر العسل بلندن مدينة الضباب وكانت منى أول مره تسافر وكانت من أتعس الأشهر بحياتها....رجعت منى للرياض محمله بأكياس من الهدايا الثمينه
أمها أحتفلت برجعتها وعزمت أهل الحي والكل كان سعيد برجعتها وبزواجها ألا واحد نواف كان حزين وماكان يتمنى يفقد حب طفولته ومراهقته إللي قضاها يحلم بمنى
في أحتفال منى الكل كان يحسدها والحريم كانوا سوالف وحش إللي تقول شفتي ساعتها وإللي تقول شفتي شنطتها والا جوالها وألا سيارة الرانج روفر آخر موديل مالت علينا بس هذا الحظ وألابلاش.......
رجعت منى للبيت وغيرت ملابسهالبست قميص قصير أبيض وحطت شريطه على شعرها الطويل وحاطه مكياج خفيف وعطر قوتشي طالع شكلها واااو..راحت تطالع التلفزيون وهي جالسه تحس أحد يلمس شعرها خافت وصرخت
سعود:شفيك خايفه؟؟
منى وهي تبتسم مجامله:لابس كنت سرحانه
راح سعود وطفا النور
منى:ليه طفيت النور
سعود:كيفي أبغا أطفيه
جلس سعود جمبها ومسك يدها وخرت منى يدها وحط يده على كتفها قامت شالت يده قام سعود وعطا منى كف طبعا مو غريبه لأنه من يوم تزوجها أقتلب إلى وحش مو إنسان وكان يضربها بأستمرار حتى في شهر العسل لأنه مايكون بوعيه
وضربها لين مابقع جسمها من الضرب وطلع وخلاها
منى مايعلم بحالها إلا الله تتقطع من الصياح وجسمها مورم نامت منى بعد تعب شديد..أنتبهت الساعه 10الصباح وراحت لأمها ماقالت لهاشي لكن أم منى لاحظت علا يدمنى كدمات........الأم:يضربك..بدت منى تصيح من أول ماتزوجنا وهو وحش معي خلاص انامليت كرهته ماأبغاه. الأم:لايامنى هذا زوجك وأبوعيالك في المستقبل. منى:مابغامنه عيال . الأم بعصبيه:علشان كذاماحملتي ويوم يوديك الدكتوريقول مافيها عيب لايكون تاكلين حبوب مانع......منى بتردد:صح كل الي قلتيه اكل حبوب ومابغا اطفال منه وأناأبغاه يطلقني.
الأم:أقول بلا طلاق بلاخرابيط ما أمدى لكم أكثر من ثلاث شهور متزوجين وش يقولون عنا الناس اللي يحسدونك على النعمه اللي أنتي فيها بيت وسياره وسواق وفلوس أكيد هذي عين
منى:أنا مابي كل إللي قلتيه لو يدرون الناس عن حياتي كان يدرون إني على حق..
الأم:لا حول ولا قوة إلابالله
منى:أنا عارفه أن كلامي ماراح يغير شي ،،،يالله أنا رايحه
الأم:وين بتروحين؟
منى:بروح أقص شعري
الأم:لاتقصين شعرك حرام طويل وحلو عليك وبعدين الرجال يحبون الشعر الطويل
منى:سعود غير كل الرجال هواللي يبيني أقصه
الأم:مادام هو إللي قايلك خلاص قصيه
منى:يالله مع السلامه...
راحت منى للمشغل وكانت تتألم وهي تقص شعرها لأنها تشوف فيه ذكريات طفولتها إللي كان فيه شعرها طويل...
سعود كان في البيت وتحديدا في المطبخ يدور في الدرج على كاس اللي متعود يشرب فيه وهو يدور لقا حبوب ولما شافها عرف أنها حبوب منع الحمل!! جلس ينتظر منى
دخلت منى إللي تناظر سعود وأستغربت نظراته لها لأنها قصت شعرها مثل ماطلب منها قربت منه
فاجأها سعود بكف خلاها تطيح على الأرض
سعود:تاكلين حبوب ماتبين ولد مني وفي أثناء هذا الحوار العنيف رن التلفون
سعود:نعم !! لاحول ولا قوة إلا بالله...الله يرحمك يا بو منى...بعد ثمان شهور من الحزن والألم وقسوة الأيام في حياة منى......
كانت منى في نهاية شهرها السابع من الحمل وتحس بألم وتعب وحاسه أنها بتولد،،،
في المستشفي كان سعود وأمه وأم منى خايفين على منى،،،
طلع الدكتور من عند منى
سعود:بشر يادكتور؟؟
الدكتور:منى حالتها مستقره
بس الطفل حالته صعبه وكل شي بأمر الله
أم منى:طيب وش سبب ولادتها بدري
الدكتور: يمكن يكون بسبب الزعل أو التعب،،،
سعود: .........
رجعوا أم سعود وأم منى لبيوتهم بعد ماتطمنوا على منى وضل سعود بالمستشفى
دخل سعود عند منى بالغرفه وكانت نايمه وعندها الدكتوره
الدكتوره:الحين هي نايمه إذا أحتجت شي أطلبني وطلعت،،،
جلس سعود على الكرسي جنب منى ويناظرها نظرات اسف وندم
مسك سعود يدها
وقال:منى حبيبتي ادري أنك ماتسمعيني لكن أنا أحبك والله أحبك ما أدري لويصير لك شي أموت أنا مادري إذا كنت معك أكون وحش وما أقدر أسوي شي ألا أضربك بس صدقيني أنا أموت عليك من أول ماشفتك عند المدرسه وأنا حبيتك جذبتيي من ذاك اليوم رحت سألت عنك وقلت لأمي إني بتزوجك رفضت علشانك مو من مستوانا
طلعت من البيت ومارجعت إلا لما وافقت أمي وأنا أحبك كنت أتمنى ولد منك بس ربي موكاتب أن ولدنا يعيش وباس سعود يد منى وطلع من الغرفه..
فتحت منى عيونها وكانت منصدمه من كلام سعود دمعت عيونها وقالت ياالله لهاالدرجه يحبني وأبتسمت،،
بعدأسبوع طلعت منى من المستشفى بعد ماخلصوا إجراءات دفن المولود
دخلت البيت مع سعود لقت الصاله كلها ورود حمرا
سعود:إيش رايك !؟
سعود:خلاص الحين لازم ترتاحين وبكرا فيه مفاجأه ثانيه
بتردد باست منى سعود وقالت :الله لا يحرمني منك
سعود:ولا منك......
في الصباح صحت منى وهي مرتاحه لما عرفت بحب سعود لها
سعود:صباح الخير
منى:صباح الورد
سعود:مستعده نروح نشوف المفاجأه
كانت المفاجأه قصر كبير لمنى بأفخم الأماكن بالرياض...بعد مرور أربع سنين على حياة منى وسعود السعيده وبعد ما رزقوا بطفله عمرهاثلاث سنوات مي<< وكانت كل حياتهم كملت منى تعليمها بالجامعه..
في يوم كان سعود راجع من المطار من رحلة عمل وكانت منى تنتظره الساعه 2 بالليل
رن تلفون البيت أنقبض قلب منى
بخوف:ألو
بصراخ أي مستشفى راحت للمستشفى بعد إنتظار طويل
طلع الدكتور
منى:بشر يادكتور
الدكتور:للأسف شلل نصفي
إنهارت من الصياح
الدكتور:إهدي يامدام
منى:وشلون يانواف أهدا هذا حياتي
الدكتور بصدمه بعد ماعرف إن هي منى وأن إللي كان بين يدينه إللي ضيع حب حياته منه والحين منى تقول أنه حياتها...راح نواف بألم يتحسر لحزن منى بعد ماكانت منهاره من حالة سعود...
بعد مرور شهر تقريبا تأقلمت منى مع حالة سعود وزاد تعلق سعود فيها ومايرضى أن أحد يقدم له الأكل ألا هي أما مي بنتهم فكانت مستغربه من حال أبوها وكانت دايم تسأل أمها عن حالته وكانت منى تسكت وسعود يتألم من جواته..
منى كانت طالعه ومارجعت ألا متأخره
منى:حبيبي ليه ماتعشيت وألا لازم تنتظرني وتأخر الدواء حقك علشاني
أكلت منى سعود وعطته الدوا وجلست جمبه تلمس شعره لين مانام
رن التلفون
منى:ألو
المتصله أم سعود:هلا منى وش أخبارك وأخبار سعود؟
منى:الحمدلله بخير خالتي
أم سعود:وش قلتي على الموضوع
منى:............
أم سعود:بعدين يابنتي فكري بنفسك أنتي بعدك صغيره وما أضلمك مع سعود
منى:أنا مافكرت بالموضوع ولا أبى أفكر إنسي ياخالتي
أحد يتخلى عن روحه
أم سعود:على راحتك يابنتي يالله إذا تحتاجين شي كلميني
منى:مشكوره خالتي....مع السلامه
أم سعود:مع السلامه...
في الصباح........قامت منى من النوم قالت للخدامه جهزي الفطور وطلعيه بالحديقه..راحت منى صحت سعود وجهزت كرسيه وجهزت سعود وطلعوا للحديقه وقفت منى تتأمل وجه سعود
وتتذكركل شي صار قبل
كيف كان يضربها وكانت تبتسم وكيف صارالكره إللي بينهم حب
قامت منى وباست سعود وقالت الله لا يحرمني منك ولا من مي...
[color=green]ياحبيب عمري أنا..ياحياة روحي أنا..ياجناحي في الهوا..يابحوري في الهنا..شويا إن قلت أحتاجك ..شويا إن قلت أحتاجك..وشوياإن قلت أناكلي لك..وشويا إن قلت أهواك..لوتجمع حب العالم وأحساس وشوق العالم وكلام الحب وأغاني الحب ماتساوي ياعمري غلاك..إياك تظن إياك تفكر يوم أنساك أوأنسى بلحظه هواك حبيبي ياحبيبي..من خوفي عليك ياأعز الناس أناخفت الناس..ياأجمل من في الوجود خذني بلا حدودلدنيا من الورود فيها أنت حبيبي..
النهااااااااااايه
الرئيسية 