هذه القصيدة نزف لمشاعري المثقلة بالحنين
والحائرة بين دروب العودة واللاعودة
اهديها للقلوب المطلة من شرفات الغياب .. على أمل
أن يلوح لها في الأفق طيف الراحلين عنها بلا استئذان
تعرفين البحر قالت أذكره وجهٍ تشابه
واعشقه ظلمه عميقة ماتجي للي بغاها
حلم يسرقني بعيد وشوق ياخذني لبابه
وش يفيد الدمع عيني لو تهل اليوم ماها
من شكى بُعد الحبايب والسهر ويا الصبابه
نفسه اللي ضاق منها والهموم اللي خذاها
صاحبي بُعده ضناني مارحمني شف عذابه
ذا أثر جرحه بقلبي مابرى فيني غلاها
غالية وأغلى الحبايب صافيه مثل السحابه
كل مافيها مميز حكيها قمة حلاها
عشت عمري ياعرب مثل الذي يطرد سرابه
ماعرف معها البداية كيف يوصل منتهاها
الغلط يومه عرفها ماتنمق في جوابه
خانه التعبير وأقفى يشتكي مما وراها
شافها مره بحلمه قام يهذي من صوابه
قال أبي عذرا شقيه تهت في روعة سناها
قلت ياقلبي تصبر واعتبر حلمي لفى به
واعتبر طيفه حقيقة وانك الجالس معاها
قال دامه مايبيني وش يفيد أن كان جابه
حلم وألا علم شوفه وش يبدل من خطاها
مبهمة حس ومشاعر كل مافيها غرابه
حطمتني بابتسامة وأحرمت عيني لقاها
يوم قفت عن عيوني ابتدت فيني الكآبه
وابتدى الليل الطويل وضاع عمري في رجاها
ذي بدايات النهاية يوم طول في غيابه
ضيعت كل المودة واخنقت فيني هواها
`•.¸
`•.¸ )
¸.•
(`'•.¸(` '•. ¸ * ¸.•'´)¸.•'´)
~ || ~ .. ஐ الــغــمــر ஐ .. ~ || ~
(¸. •'´(¸.•'´ * `'•.¸)`'•.¸ )
¸.•’’ ’’
( `•.¸
الرئيسية 